«Сәнәғәт сәғәте» ойошторола

2020 йылдың ғинуарында Башҡортостанда республика башлығы Радий Хәбиров эгидаһы аҫтында тематик кәңәшмәләр уҙғарыу сиктәрендә «Сәнәғәт сәғәте» ойошторола. Был хаҡта 30 декабрҙә республика Хөкүмәтендәге оператив кәңәшмәлә иғлан ителде.

Республикала 2019 йылдың ғинуар-ноябрендә сәнәғәт етештереүе индексы 104,2% тәшкил итте. Продукция сығарыу күләме 1,6 триллион һумға етте.

Башҡортостан башлығы республиканың Сәнәғәт һәм энергетика министрлығына 2020 йылда власть органдары яғынан иғтибар һәм яҡлау талап иткән предприятиелар менән системалы эшкә күсергә, шулай уҡ индустриаль тармаҡтың проблемалы мәсьәләләрен хәл итеү буйынса тәҡдимдәр һәм механизмдар әҙерләү өсөн «Сәнәғәт сәғәттәре»н ойошторорға ҡушты.