Ҡышҡылыҡҡа рассольник

Ҡыярығыҙҙы ҡайҙа ҡуйырға белмәйһегеҙме, әйҙәгеҙ, рассольник әҙерләмәһе яһайыҡ. Эштән ҡайта һалып тиҙ генә аш бешерергә кәрәккәндә, бик ярап ҡуя.

2-3 килограмм ҡыяр, 0,5-әр килограмм кишер, һуған, алдан бешерелгән перловка ярма­һы (2-3 стакан), укроп, петрушка, самалап тоҙ, шәкәр ҡомо, 500 грамм томат пастаһы, 200 миллилитр үҫемлек майы, 4 аш ҡалағы һеркә алына.

Йәшелсәне ваҡ ҡырғыстан үткәрергә, һуғанды ярымҡулсалап, укропты, петрушканы турарға.

Май һалып бешерергә ҡуйырға. 40 минут быҡтырғас, перловка өҫтәп, тағы ла 5 минут ҡайнатырға, банкаларға тулты­рырҙан алда һеркә һалырға. Банкаларҙы ҡаплап, һыуынғансы юрған аҫтында ҡалдырырға. 6-7 (0,7) банка була.

Яратып ашайбыҙ, бик тәмле килеп сыға.

Ашығыҙ тәмле булһын!