Еләк-емеш миҙгеле башланды

Һалҡынса ғына кабинеттты ташлап, төшкө ял мәлендә ҡала урамындағы сауҙа рәттәре аша уҙырға булдым. Их, көндөң эҫелегееее! Тынды ҡура ғына. Ә бында, бер нимәгә ҡарамай, апай-әбейҙәр ихласлап сауҙа итә. Йәнең ни теләй, һатып ал, аҡсаң ғына булһын. Ҡорот 300 грамм - 120, баҡса еләге (бер килограмм) - 400, стаканы - 130, жимолость еләге ни эшләптер осһоҙораҡ - 120, теплица ҡыяры - 120, редисканың бәйләме - 50 һум. Тамьян ауылынан бер ханым ялан сәскәләре гөлләмәләрен сығарған, яланға сығып йыйырға теләмәһәң, 120 һумға ал да яҡыныңды ҡыуандыр, рәхим генә ит. Кейәү үләнененең ҡупшы ғына бәйләме - 30 һум. Һатыусыһы булғас, алыусыһы ла бар. Берәү тулайым 900 һумға һатып киткән. Сәскә һатыусылар, әйткәндәй, күп кенә. Миҫалға, петуния сәскәһен 100 һумға һаталар. Хаҡтар ҙа тешләшмәй.