Ил тәнендәге яралар уңалыр ҙа ул

Бөйөк Еңеү алдынан илебеҙҙә хәтер айлығы бара. Уның сиктәрендә районда Еңеү көнөн билдәләп, һуғыш һәм тыл ветерандары менән осрашыуҙар, батырлыҡ дәрестәре, музыкаль , хәтер кисәләре ойошторола. “Берҙәм Рәсәй” партияһы башланғысы менән ҡаланың “Ағиҙел” ҡунаҡханыһы биләмәһендә лә тантаналы митинг уҙҙы. Эске эштәр бүлеге ветерандар советы рәйесе Виктор Воробьев Бөйөк Еңеүҙе яулауға үҙ өлөшөн индергән яҡташтар тураһында йылы тәьҫортаттар менән уртаҡлашты. Тыуған илде һаҡлау йәш быуын иңендә икәнлеген һыҙыҡ өҫтөнә алды. “Берҙәм Рәсәй” сәйәси партияһы урындағы бүлексә етәксеһе Сергей Макаровтың сығышында ла илебеҙҙең бөтөнлөгөн, берҙәмлеген һаҡлау, яҡлау беренсе урында булырға тейешлеге әйтелде.

Партия активистары йыйылыусыларға Еңеү символы Георгий таҫмаһын таратты.

Тантаналы өлөштән һуң сағыу концерт номерҙары тәҡдим ителде.

Һүрәттә: “Еңеү вальсы”

Автор фотоһы.