Ил именлеге - ышаныслы, көслө егеттәр иңендә

Ҡала-райондан кисә 10 яҡташыбыҙ хәрби хеҙмәткә рух күтәренкелеге һәм яҡшы физик әҙерлек менән Ватан алдында хәрби бурысын үтәргә юлланды.

Егеттәр сафҡа теҙелгәс, хәрби комиссар, подполковник Рөстәм Ҡантимеров: “Был - һеҙҙең хәтерегеҙҙә ҡала торған көн. Бындай булдыҡлы егеттәр үҫтергән атай-әсәйҙәргә рәхмәт. Барығыҙҙың да иҫән-һау тыуған яҡтарығыҙға әйләнеп ҡайтыуығыҙҙы теләйем”, - тине. Уларға нәсихәт әйтеп оҙатырға дин әһелдәре килгәйне, казак йәмғиәте старшинаһы Александр Шалютов егеттәргә бүләк тапшырҙы, хеҙмәттән ҡайтҡас, артабан уҡырға саҡырҙы.

Автобусҡа ултырған егеттәргә яҡындары яҡшы хеҙмәт итеп ҡайтыуҙарын теләп, изге уйҙа оҙатып ҡалдылар.