Ғәлимов һәр ваҡыт сафта!

Әкрәм Ғөбәй улы Ғәлимов менән мәктәптә эшләгән йылдарҙа уҡ белә инем. Бөйөк Еңеү көнө алдынан уҡыусылар менән осрашыуҙарҙа күрергә тура килә ине. Ә ныҡлап танышыуыбыҙ редакцияға эшкә килгәс булды. Бөйөк Ватан һуғышы ветераны оҙаҡ йылдар район-ҡаланың инвалидтар ойошмаһын етәкләне. Эшем буйынса яугир менән йыш осраштыҡ. Ул ойошма эшмәкәрлеге буйынса бөтә мәғлүмәтте иҫендә тотоуы менән һоҡландыра ине. Һандар, факттар, йәмғиәт ағзаларының исем-шәрифе, шөғөлө – барыһы ла уның башында булды. Сығыш яһағанда ла алдан кемдер яҙып, ҡулына тотторған докладты уҡыманы, ә үҙенең күңелендәгеһен һөйләне.