Торналар...

Ҡанлы яуҙан ҡайтмай ҡалған ирҙәр,Әйтерһең дә, ергә аумаған.Ул һалдаттар, аҡ торналар булып,Осоп киткән зәңгәр һауаға.Әле һаман ошо яугирҙәрҙеңТауыштары килә алыҫтан.Юҡҡамы ни, һауаларға ҡарап,Күңелебеҙ тула һағышҡа.Ҡанаттары талып, ҡош сылбырыОса таңда, оса кисен дә.Шул сылбырҙа кескәй буш урын бар,Ул буш урын минең өсөндөр!Бер көн мин дә торна сылбырындаЮғалырмын инеп томанға.Йәнем иңрәр моңһоу бер ҡош һымаҡ,Ерҙәгеләр ғәзиз булғанға.Рәсүл Ғамзатов шиғыры, Рауил Бикбаев тәржемәһе