+20 °С
Болотло
Бөтә яңылыҡтар
Илһөйәрлек мәктәбе
18 Май 2020, 16:30
Ә һеҙ пионер булған ваҡытығыҙҙы нисек хәтерләйһегеҙ?
Ҡасандыр рәсми байрам булараҡ иҫәпләнгән 19 майҙы йәш быуын белмәй ҙә тиерлек. Оҙаҡ йылдар был көн Пионерҙар көнө булараҡ билдәләнде. Тик Советтар Союзы тарҡалыу менән байрам рәсмилеген юғалтты. Шулай ҙа элекке быуын вәкилдәре күңелендә пионерияның ғорур исеме, уға булған ҡәҙер-хөрмәт бөгөн дә йәшәй.
Оло һәм урта быуын кешеләре был осорҙо ғүмеренең иң сағыу ваҡиғаһы итеп ҡабул итә. Берәүҙәр дружина байрағын йөрөтөүсе, икенселәр отряд командиры, ә кемдер тимуровсылар командаһы рәйесе булған. Бөгөн дә ҡайһы бер төбәктәрҙә был көн билдәләнә. Әммә уның әһәмиәте лә, мәғәнәһе лә башҡасараҡ. Усаҡ яғыу, пионер йырҙарын йырлау ҙа юҡ кимәлендә. Ҡыҙыл галстукҡа булған ихтирам тойғоһо ла хәҙер тарихта ғына ҡалды...