Уҡыусыларыбыҙ уңышы

Район-ҡаланан алты уҡыусы тикшеренеү эше яҙҙы. Һөҙөмтәлә улар иң яҡшы тип танылды. Атап әйткәндә, Һарыш мәктәбенең 5-се класс уҡыусыһы Регина Хәйбуллина “Бөйөк Ватан һуғышында минең ғаиләмдең роле” темаһына проекты менән (уҡытыусыһы З. Р. Латипова) еңеүсе исеменә лайыҡ булды. Ошо уҡ белем усағының 6-сы класс уҡыусыһы Азалия Шәйәхмәтова (уҡытыусыһы Д. Ю. Смаҡова) призлы урын яуланы. 8-се мәктәптән Нигина Сәлихова (уҡытыусыһы Г. Р. Рәхмәтуллина) һәм 9-сы гимназиянан Гөлдәриә Йосопова ла (уҡытыусыһы Г. А. Ишбаева) юғары күрһәткескә өлгәште.