Бөтә яңылыҡтар
Илһөйәрлек мәктәбе
7 Декабрь 2020, 14:55

Ҡоштарҙы ашатайыҡ!

Кескәйҙәрҙең яратҡан миҙгеле башланды.

Кескәйҙәрҙең яратҡан миҙгеле башланды. Ҡышын саф һауала уйнау - күңелле генә түгел, ә бына тигән сынығыу сараһы ла. Урамда ҡар өҫтөнән йүгереү уларға күтәренке кәйеф бирә, берҙәмлек, дуҫлыҡ тойғоһо тәрбиәләй. Шуға күрә, беҙ, тәрбиәселәр, балалар тышҡа ҙур теләк менән сыҡһын өсөн барыһын да эшләйбеҙ. Бының өсөн төрлө хәрәкәтле саралар ҡулланабыҙ. Кескәйҙәр ҡар бәрешергә ярата, үҙҙәре теләгәнсә уйын ҡағиҙәһе уйлап сығара. Шулай уҡ ҡышларға ҡалған ҡоштар тураһында онотмайбыҙ. Уарға ҡышын аҙыҡ табыуы ауырлашыуы хаҡында әңгәмә ҡорабыҙ. Уның барышында йәш быуын ниндәй ҡоштар Башҡортостанда ҡалыуын белә, улар хаҡында хәстәрлек күрергә кәрәклеген аңлай. Һалған емгә турғайҙар килгәнен күреп ҡыуана, һоҡлана. Уларҙы көн һайын ашатыу холҡон, тәртибен күҙәтергә булышлыҡ итә. Был эштә беҙгә ата-әсәләр ҙә ярҙам күрһәтә. Балалар менән бергә тағараҡ эшләйҙәр, аҙыҡ алып киләләлр. Йыл һайын балалар баҡсаһында үткәрелгән “Ҡоштарҙы ашатығыҙ!” акцияһы бик уңышлы үтә.
Айгөл СӘҒИТОВА,
15-се балалар баҡсаһы тәрбиәсеһе.