Ҡайҙа хеҙмәт итәсәгеңде белгең киләме?

Мәләүез ҡалаһы, Мәләүез һәм Федоровка райондары хәрби комиссариатында 16-18 йәшлек үҫмерҙәрҙе беренсел хәрби иҫәпкә ҡуйыу башланды: 400 үҫмерҙең етмешләбе теркәлеү үткән дә инде. Хәрби комиссар Олег Тройно әйтеүенсә, уларҙың хеҙмәткә яраҡлы булыу-булмауы тикшерелә. Унан һуң сәләмәт күренеп тә, һаулығына зарланғандар, ата-әсәһе лә белмәгән, яңы ауырыуҙары (уларға эндокрин, эске, күҙ органдары, һөйәк-мускул системаһы сирҙәре) асыҡлана. Ҡыҙғанысҡа ҡаршы, гаджеттарҙың кире яғы ла етерлек: теркәлеү үтергә килгән һәр икенсе үҫмерҙең күреү һәләте бик насарайған. Балаларының һаулыҡ торошон атай-әсәйҙәр һорашып белә ала, “аҡ халатлы”лар иһә яҡындарының сәләмәтлеге тураһында мәғлүмәтте уларҙан йәшермәй.

Медицина тикшереүе, унан һуң һөнәри-психологик һайлау үткәрелә, ул егеттәрҙең ҡайһы часта хеҙмәткә яраҡлы икәнен көн элгәре асыҡлай. Был сара 20 көн дауам итәсәк.