Бөтә яңылыҡтар
Илһөйәрлек мәктәбе
15 Февраль 2021, 11:50

15 ФЕВРАЛЬ - ЯУГИР - ИНТЕРНАЦИОНАЛИСТАРҘЫ ИҪКӘ АЛЫУ КӨНӨ

Һуғыш... Ул уңалмаҫ күңел яраһы, ҡыйралған яҙмыштар, өҙөлгән ғүмерҙәр булып беҙҙең йөрәктәрҙә мәңге йәшәй. Ҡот осҡос афәтте киноларҙан күреп, китаптарҙан уҡып ҡына түгел, үҙ күҙҙәре менән күргән яҡташтарыбыҙ өсөн Афғанстан һис төҙәлмәҫ тәрән яра булып ҡала.

- Әҙәм балаһы өсөн ғүмер ҡәҙерле бит ул. Һуғыш эсендә булғанда, уның ҡәҙере тағы ла нығыраҡ арта. Тыуған яҡҡа әйләнеп ҡайтыуҙы түҙемһеҙлек менән көттөк, хатта көндө һанай торғайныҡ, - тип хәтирәләрен барлай афған яугирҙәре.