Ваҡыттың ҡәҙерен беләйек

Алда - ял көндәре. Әммә динебеҙ ял һәм байрам көндәрен бушҡа, файҙаһыҙға, сама белмәй ашау-эсеү, күңел асыу саралары менән генә үткәреүҙе тыя. Был мәлде атай-әсәйҙәр, туғандар, дуҫтар менән аралашыу, аралағы мөнәсәбәттәрҙе нығытыу, бер-берегеҙгә ярҙам итеү өсөн ҡулланығыҙ.

Ваҡыттың ҡәҙерен белеү кәрәк. Юғалған әйберҙе табып йәки уны алмаштырып була. Тик үтеп киткән ғүмерҙе генә кире ҡайтарып булмай. Шуға ла һәр көндөң, сәғәттең баһаһын беләйек.

Ғүмерҙең аҙағына тиклем бик алыҫ кеүек күренһә лә, уның иҫәбе бар, хисап бирер көнө лә көттөрөп тормай. Аллаһы тәғәлә әйтә: “Аллаһ бөтәгеҙҙе йыйып алған ул көндө һәр кемгә был фани донъя бер сәғәт тә булмаған кеүек тойолор”.