-5 °С
Болотло
Бөтә яңылыҡтар
Иман
30 Июль 2020, 11:30
Ҡорбан ғәйете тәртибе
Ҡорбан ғәйете - бөтә мосолман донъяһы өсөн ҙур байрам. Ул Ураҙа байрамынан һуң 70 көн уҙғас, йыл һайын Зөлхизә айының унынсы көнөндә билдәләнә. Быйыл ул 31 июлдән 2 август аҡшамға тиклем дауам итә. Ҡорбан ғәйете, ғәҙәттә, районда ла киң билдәләнә. Быйыл илдәге эпидемиология хәленән сығып, ҡала мәсетендә йыйылмай ғына һәр кем үҙ ғаиләһе менән үткәреү хәйерле тип табылды. Ауылдарҙа ла байрам осоронда һаҡлыҡ сараларын теүәл күҙәтеүегеҙ һорала.фото:Islam.ru
Ҡорбан ғәйете - бөтә мосолман донъяһы өсөн ҙур байрам. Ул Ураҙа байрамынан һуң 70 көн уҙғас, йыл һайын Зөлхизә айының унынсы көнөндә билдәләнә. Быйыл ул 31 июлдән 2 август аҡшамға тиклем дауам итә.
Ҡорбан ғәйете тәртибе тураһында Азамат хәҙрәт Булатовтың таныштырып үтеүен үтендек.
- Был көндә ҡорбан салып, беҙ Раббыбыҙға яҡынлығыбыҙҙы тағы бер иҫбатлайбыҙ. Уның ите лә, һөйәге лә, майы ла, йәне лә Аллаһы Тәғәләгә ирешмәй. Пәйғәмбәребеҙ Мөхәммәт с.ғ.с. үҙенең хәҙисендә: «Аллаһы Тәғәләгә күңелдәрегеҙҙәге иманығыҙ, ихласлығығыҙ ирешә. Аллаһ ризалығы өсөн салынған ҡорбан ҡанының беренсе тамсыһы ергә төшкәнсе, Аллаһ шул кешенең гөнаһтарын ярлыҡар», - ти. Мөмкинлектәре булған һәр ғаилә, хужа үҙе һәм ғаиләһе исеменән Аллаһты ҙурлап ҡорбан сала. Мосолмандар бер-береһен ҡотлай, ҡорбан табындарына саҡыра. Ғаилә ағзаларына, туғандарына, балаларына бүләктәр өләшә.
Ҡорбанды фәҡәт Аллаһ хаҡы өсөн генә салалар. Һарыҡ-кәзә берәр кеше исеменән булһа, һыйыр малы ете кеше йәки ғаилә исеменән һуйылырға мөмкин. Салынасаҡ мал һау-сәләмәт, теүәл ағзалы булырға тейеш. Һарыҡ - 8-9 айлыҡ, кәзә малы - 1, һыйыр - 2, дөйә 5 йәшлек булырға тейеш. Аллаһ Тәғәлә ҡушыуы буйынса, әгәр ҙә 40 һарығың йә менге атың булһа - вәжиб, малың булмаһа ла, теләгең көслө икән, салған ҡорбаның сөннәт ҡорбаны тип атала. Ә инде мөмкинлегең булып та, ҡорбан салмаһаң, был гонаһ һанала.
Ҡорбан итенең өстән бер өлөшөн саҙаҡа ҡылырға кәрәк. Аллаһы Тәғәлә Ҡорбан ғәйетен, был мөбәрәк көндә уҡыған намаҙҙарыбыҙҙы, ғибәҙәттәрҙе, ғәмәлдәрҙе һәм салған ҡорбандарыбыҙҙы ҡабул итһен!Быйыл илдәге эпидемиология хәленән сығып, ҡала мәсетендә йыйылмай ғына һәр кем үҙ ғаиләһе менән үткәреү хәйерле тип табылды. Ауылдарҙа ла байрам осоронда һаҡлыҡ сараларын теүәл күҙәтеүегеҙ һорала.
Читайте нас:
© 2024 Башҡортостан Республикаһы Мәләүез районы "Көнгәк" ижтимағи-сәйәси гәзитенең рәсми сайты.
Сайт общественно-политической газеты г. Мелеуз и Мелеузовского района Республики Башкортостан «Конгэк».
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 26 авгусында бирелгән ПИ № ТУ 02-01429-се һанлы теркәү тураһындағы таныҡлыҡ.
Баш мөхәррир Абдрахманова Л.А.
Электрон почта
Адресы
Башҡортостан республикаһы, Мәләүез ҡалаһы, Воровский урамы, 6-сы йорт.
Телефон
+7 (347-64) 3-52-07