Хәләл тиһәләр ҙә...

“Кибеттәге ит һәм колбаса изделиеларында “Хәләл” тамғаһы яҙылып та, уларҙы етештереүсе ойошма тураһында бер мәғлүмәт тә белмәһәк, ул аҙыҡты ашарға яраймы?”

Гүзәл АЙЫТОВА.

Был һорауға ҡаланың 2666-сы мәхәлләһе имам-хатибы Рәфис хәҙрәт Сафин яуап бирә:

• “Хәләл” тип яҙылыуы ғына уның ысынлап та дини ҡанундарҙы теүәл үтәп әҙерләнеүен һәм ашарға рөхсәт ителеүен аңлатмай. Әгәр инде ул ризыҡты етештереүсе ойошма тураһында мәғлүмәт бирелгән һәм мал-тыуарҙы салыуҙан башлап, продукция эшләүгә тиклем дини ҡағиҙәләрҙән тайпылмай башҡарылыуы тураһында яҙылған булһа, был ризыҡты ашарға мөмкин.