“Көнгәк батыры - 2019” титулына дәғүә иткән сираттағы конкурсантыбыҙ - Фәнис Бикташев

1982 йылдан бөгөнгә тиклем торлаҡ-коммуналь хужалығы авария диспетчер хеҙмәтендә слесарь-сантехник булып эшләй. Буш ваҡытында шиғыр яҙа, гармун уйнай, ҡайҙа барһа ла фотоаппаратын ҡалдырмай, матур күренештәрҙе, мәлдәрҙе төшөрөргә ярата. Әбет ауылының тарихы менән ҡыҙыҡһынған Фәнис Әлимғол улы Бикташевтарҙың шәжәрәһен төҙөй. Биш йылдан ашыу танк ғәскәрҙәре һәм Варшава килешеүе илдәрендә хеҙмәт иткән ветерандар ойошмаһы рәйесе дилбегәһен тарта. Илһөйәр, патриот яҡташыбыҙҙың әүҙем эшмәкәрлеге күп Маҡтау грамоталары менән билдәләнгән.