Фотоларҙа - иҫтәлектәр

Тиҙҙән мөғжизәләргә, тәьҫораттарға бай күркәм байрам – Яңы йыл етә. Һәммәбеҙ уны яҡшы ниәт, яҡты уй-хыялдар менән көтә. Ваҡыт туҡтауһыҙ ағыла. Уның эсендә һәр беребеҙ үҙ тарихын яҙа. Хәл-ваҡиғаларҙың күбеһе хәтерҙә уйылып ҡала бара, ярай әле кешенең төрлө осорон мәңгеләштергән фоторәсемдәр уйлап табылған. “Көнгәк” гәзите редакцияһы ошоға бәйле конкурс иғлан итә. Яңы йылда төшкән фотоларығыҙҙы беҙгә ебәрегеҙ. Уның ҡайҙа, ҡасан, кем менән төшкәнегеҙҙе, шул осорҙағы байрамды нисек ҡаршылағанығыҙҙы, мажаралы ваҡиғаларҙы, иҫтәлектәрҙе яҙығыҙ. Ҡыҙыҡлы, мауыҡтырғыс, йөкмәткеле материал авторҙарын бүләктәр көтә. Конкурсанттарҙың тәүге өсәүһе ВК һәм ОК социаль селтәрҙәрендә онлайн тауыш биреү ысулы менән һайлап алынасаҡ, еңеүселәр тураһында мәҡәлә байрам һанында донъя күрәсәк. Һеҙҙән хаттар көтәбеҙ!

Фото асыҡ сығанаҡтарҙан.