Уның һөнәре рәхимлелеккә, миһырбанлылыҡҡа , мәрхәмәтлелеккә бәйле

#Бөгөнгөзамангеройҙары#Герои нашего времени Был һөнәр эйәләренең эше тәү сиратта шәфҡәтлелеккә ҡоролған. Күңелең киң булып, рәхимлелекккә, миһырбанлыҡҡа, мәрхәмәтлеккә, игелеккә урын булмаһа, медицина өлкәһендә эшләүе ауыр икәне көн кеүек асыҡ. Сираттағы конкурсантыбыҙ - 1994 йылдан алып Үрге Юлдаш ауылы медпунктында фельдшер булып эшләгән Раушан Ишһарина. Аҡ халатлы кешеләрҙең һөнәри оҫталығына һәммәбеҙҙең яҙмышы бәйле. Раушан Сәйфулла ҡыҙы һөнәри йүнәлештә бай тәжрибә туплаған. 1981 йылда Ишембайҙабала тыуҙырыу йортонда, унан һуң профилакторийҙа эшләй. Аҙаҡ тормош елдәре уны Үзбәкстан яғына алып китә. Ситтә лә ул һөнәренә тоғро ҡала. Тыуған яҡтарына ҡайтып эшләгән Раушан Ишһаринаны эшенә яуаплы ҡарағаны, дөрөҫ кәңәштәре өсөн ауылдаштары бик хөрмәт итә.