Һәр башҡорт алдырырға тейеш

Ғилминур Шәнгәрәева “Көнгәк” гәзитен яратып уҡый. Районда башҡорт телендә сыҡҡан гәзитте һәр башҡорт алдырырға тейеш, туған телде белергә, өйрәнергә, өйрәтергә кәрәк, тип иҫәпләй Ғилминур Шәйхетдин ҡыҙы. Үҙе гәзиткә йыл да яҙыла. Яҡтылыҡҡа, яҡшылыҡҡа әйҙәгән гәзит тормошто матурлай, ти. Тормош иптәше Мирхәт Фазулла улы менән ике бала үҫтергәндәр. Улар ололарҙы уңыштары менән шатландырып, тормошта үҙ урындарын табып, матур ғаилә ҡороп йәшәйҙәр, барыһы дүрт ейән-ейәнсәр бүләк иткәндәр. Улдары Иршат Өфөлә әйҙәүсе инженер , ә ҡыҙҙары Гөлназ Башҡортостан дәүләт педагогия университетында эшләй. Балаларының да тамырҙарын онотмауына ҡыуана Ғилминур Шәйхетдин ҡыҙы.

Алисә Үҙәнбаева.

Автор фотоһы.