Нигеҙ бөгөн һалына

Район советының сираттағы киңәйтелгән ултырышында депутаттар район бюджеты үтәлешен ҡараны. Шулай уҡ йәш быуын тәрбиәһе, социаль хәүефле ғаиләләр, үҫмерҙәр енәйәтселеге проблемалары күтәрелде. Киләсәктә йәмғиәт көслө, тотороҡло булһын өсөн бөгөн йәш быуынға иғтибар ҙур булырға тейеш. Айырыуса яуыз көстәргә йәш аңдарҙы томалауға юл ҡуйырға ярамай. Уларҙың ташып торған дәртен дөрөҫ юҫыҡҡа йүнәлтеү, ҡыҙыҡһыныуҙарын ҡәнәғәтләндереү зарур.