Һауа торошона бәйле һынамыштар

Ҡыш көнө бәҫ күп булһа, бал күп булыр.

Ҡыш тоҙ еүешләнһә, ҡар яуа.

Ҡыш көнөндә ҡояш әйләнәһендә түңгәләк күренһә, буран булыр. Әгәр был түңгәләк ҡояшҡа бик яҡын булһа, аяҙ булыр.

Ҡыш көнөндә урман елһеҙ шаулаһа, буран булыр.

Ҡар күп булһа, йәй ямғырлы булыр.

Ҡарһыҙ булһа, йәй ярлы булыр.

Мейестә утын шартлап янһа, көн йылыта.

Мейес көслө тартһа, һыуыҡ була, насар тартһа епшек була.