“Киҫекһеҙ ҡолаҡ”

“МММ” финанс пирамидаһында заманында күптәр алданғанын хәтерләйҙер. Әлеге заманда финанс кооперативтарының, селтәрле маркетингтарҙың һаны иҫәпһеҙ һанһыҙ. Беҙ унда инәбеҙ, яҡындарыбыҙҙы көсләп саҡырабыҙ һәм алданабыҙ. Күптәрҙе еңел аҡса эшләү ярыҡ ялғашҡа ултырта. Мәҫәлән, бер яҡташыбыҙ аҡсаһын юғары процент менән арттырып алыу теләге менән ярты миллион һумын финанс банкына һала һәм унан “ҡолаҡ ҡаға”. Бындай миҫалдарҙы яҙып торабыҙ ҙа бит, күрәһең, гәзит аша киҫәтеүебеҙҙе күрмәгәндер.