Йорт подвалында кеше һөлдәһе табылған

Салауат ҡалаһында биш ҡатлы йорт подвалында кеше һөлдәһе табылған.

Уға шул йортта йәшәүсе кеше осраҡлы рәүештә генә юлыҡҡан. Әлегә зыян күреүсенең шәхесе, үлем сәбәбе һәм ваҡыты билдәле түгел. Шулай ҙа тикшереү эшен башлаған хоҡуҡ һаҡлау органдары хәбәр итеүенсә, уға ун һигеҙ-егерме йыл булыуы мөмкин. Тикшереү тамамланғандан һуң енәйәт эше асыласаҡ.