Пособие түләмәгән

Декрет ялындағы ҡатын, прокуратураға мөрәжәғәт итеп, үҙ хоҡуҡтарын яҡлаған.

Ул эшҡыуарҙа һатыусы булып эшләгән. Әле яңы тыуған балаһы менән декрет ялында. Уға тейешле пособие түләнмәгән. Бурыс 83 мең тәшкил итә.

Прокурор РФ Административ кодексындағы 5.27-се статьяһының 6-сы бүлеге буйынса (түләүҙәрҙе ваҡытында түләмәгәнгә) эш асты. Уның һөҙөмтәләре буйынса ғәйепләнеүсегә 10 мең һум штраф һалынған. Бынан тыш, прокуратура асыҡланған бар етешһеҙлектәрҙе лә бөтөрөргә ҡушҡан.

Шулай итеп, күп балалы әсәнең хоҡуҡтары тергеҙелгән. Бөгөн ул түләүҙәрҙең барыһын да ваҡытында ала.