Һөйгәненә бысаҡ менән ҡаҙаған

Статистика күрһәткесе буйынса, ирҙәрҙең ҡатын-ҡыҙ алдында йоҙроҡ уйнатҡаны тураһында мәғлүмәт күберәк. Ә бына күрше Күмертау ҡалаһында 55 йәшлек ҡатын 34 йәшлек өйҙәш ирен бысаҡ менән менән сәнскән. Баҡтиһәң, аҡса эшләр өсөн ҡатын Мәскәүгә йыйыныуы тураһында иренә әйтә, ә тегенеһе бер аҙ төшөрөп алғас, көнләшеп теңкәһенә тейә, ҡыйырһыта башлай. Аҙыҡ әҙерләп йөрөгән хужабикә ҡыҙып китеп уға бысаҡ менән киҙәнә. Аңына килгәс, тиҙ арала ашығыс ярҙамға шылтырата.