Йәй айҙарында район-ҡала биләмәһендә велосипедтар, самокаттар урлау осраҡтары йышайҙы. 2022 йылдың үткән осоронда ошо мәсьәләгә бәйле 20 граждан полицияға ғариза яҙҙы, июндә 14 мөрәжәғәт килде.
Велосипед һәм самокаттарҙы йышыраҡ урлайҙар:
- махсус йоҙаҡ менән беркетелмәһә;
- күп фатирлы йорт подъезы майҙансығында ҡалдырылһа;
- урамда ҡарауһыҙ булғанда.
Иҫегеҙҙә тотоғоҙ:
- бөтә енәйтте лә иҫкәртергә мөмкин;
- һеҙҙең һаҡлыҡ полицияға ярҙам итер, енәйәтсенән ҡотҡарыр;
- ябай сараларҙы үтәү яҡшы кәйеф, мөлкәтте һаҡлар.
Хөрмәтле граждандар! Велосипед, самокаттарҙы урлауҙы иҫкәртеү маҡсатында ошо талаптарҙы күҙәтеү мотлаҡ:
- урамда ҡарауһыҙ ҡалдырмау;
велосипедтың рамын ғына түгел, тәгәрмәсен дә ышаныслы йоҙаҡ менән бикләү;
- күмәк кеше эргәһендә, видеокүҙәтеү бар ерҙә ҡалдырыу;
- таныш булмаған кешеләргә ҡайҙалыр барып килеү өсөн биреп тормау;
- һатып алғанда документтарҙы барлау, рам номерын яҙыу, фотоға төшөрөү, юғалған осраҡта былар юллау өсөн ярҙам булыр;
- деталдә, тәгәрмәстә, рамда аҙаҡтан таныу өсөн гравировка эшләү;
- домофон аша таныш булмағандарға ишек асып подъезға индермәү;
- белмәгән кешенән документһыҙ алмау, уларҙың урланған булыуы ихтимал;
- мөлкәтегеҙ янында шикле кеше күреп ҡалһағыҙ, велосипед йәки самокат йоҙағын вата башлаһа, кисекмәҫтән полицияға шылтыратыу.
Мөлкәтегеҙ именлеге үҙегеҙҙең ҡулда икәнен онотмағыҙ!
Мәләүез районы буйынса эске эштәр бүлеге.