+30 °С
Болотло
Әҙәбиәт
10 Декабрь 2025, 17:00
ҠАЛА БЕСӘЙЕ
Гүзәл Ситдиҡова шиғыры
ҠАЛА БЕСӘЙЕ
Аланан - быланан,
Бесәй килә ҡаланан,
Смартфоны уң ҡулында,
Планшеты һул ҡулында
Экраны күҙ алдында,
Ҡолаҡлыҡ - ҡолағында,
Яуап юҡ - һораһаң да,
Янынан ураһаң да,
Күрмәй ул ҡолаһаң да
Ишетмәй - илаһаң да,
Уны күргәс, сысҡандар
Башта ҡурҡып боҫҡандар,
Тик һиҙәләр - был ҡуҡыр
Торғаны һаңрау-һуҡыр.
Шунан ҡыҙыҡ иткәндәр:
Тунын мөнтәп бөткәндәр,
Емен ашап киткәндәр.
Шул кәрәк уға...
