Педагогҡа уңыш теләйек

Күптән түгел Рәсәйҙең 8 округы буйынса үткәрелгән "Мәктәптә тарих фәне: традициялар һәм яңылыҡтар" тип аталған Бөтә Рәсәй педагогия оҫталығы конкурсының тәүге этабына йомғаҡ яһалды. Уның һөҙөмтәләре буйынса 70 педагог финалға сыҡты. Улар 2-5 октябрҙә Мәскәүҙә конкурстың икенсе этабында ҡатнашасаҡ. Финалға сыҡҡандар араһында 3-сө гимназияның тарих һәм йәмғиәт фәндәре уҡытыусыһы Людмила Шәрәфетдинова ла бар.

Икенсе турҙа Людмила Алексеевнаға үҙ-үҙен презентациялау күнекмәһен күрһәтергә, “1917 йылғы бөйөк Рәсәй революцияһы” темаһы буйынса оҫталыҡ дәресе үткәрергә һәм асыҡ дискуссияла ҡатнашырға тура киләсәк. Әйҙәгеҙ, яҡташыбыҙға уңыштар теләйек!

Һүрәттә: Бөтә Рәсәй педагогия оҫталығы конкурсында ҡатнашыусы 3-сө гимназия уҡытыусыһы Людмила Шәрәфетдинова.

Фото архивтан.