Тарихҡа һөйөү тәрбиәләй

Йәш быуын халҡының үткәне менән ҡыҙыҡһынһын, өйрәнһен, ғорурланһын өсөн яратҡан уҡытыусылары бөтә тырышлығын һала.

Айһылыу Ишбаева дәресендә документаль фильмдарҙы, Интернет ресурстарын, электрон дәреслектәрҙе, компьютер программаларын оҫта ҡуллана. Мәғлүмәт-коммуникатив технологиялар уҡыусыларҙың танып-белеү эшмәкәрлеген әүҙемләштереүен, белем сифатын, эш һөҙөмтәлелеген күтәреүен яҡшы белә ул. Шуға ла уның дәрестәре төрө, йөкмәткеһе менән бер-береһенә оҡшамаған. Балаларҙың йәш һәм шәхси үҙенсәлектәрен иҫәпкә алып, класта дуҫлыҡ мөхите булдыра белә.