Тырыш хеҙмәтегеҙ өсөн рәхмәт

Йыл һайын октябрь башында ғүмерен илебеҙ киләсәгенә арнаған һөнәр эйәләрен - уҡытыусыларҙы, мәғариф хеҙмәткәрҙәрен һәм ветерандарын - ҡотлайбыҙ.

Йәш быуынды тәрбиәләүҙә, белем биреүҙә педагог роле баһалап бөткөһөҙ. Яҡшы уҡытыусы биргән һабаҡ бер ҡасан да онотолмай, йыш ҡына ул кешегә тормош юлын табырға булышлыҡ итә. Ул - остаз, изге күңелле, аҡыллы һәм бөтә яҡлап өлгөлө дуҫ.

Педагогтарҙың һөнәрилеге бөгөн яңы алымдарға бәйле, әммә иң яҡшы компьютер ҙа уларҙың оҫталығын, талантын алмаштыра алмай. Район-ҡалала 1300-ҙән ашыу уҡытыусы йәш быуынға белем һәм тәрбиә биреү өлкәһендә эшләй. Шуның өстән бер өлөшө юғары квалификациялы, 400-ҙән ашыуы дәүләт һәм Рәсәй Федерацияһы, Башҡортостан Республикаһы Мәғариф министрлыҡтарының наградалары менән бүләкләнгән.