Илһөйәрҙәр быуыны

Ҡотош ауыл китапханаһында Республика көнөнә арналған кесе һәм урта йәштәге балалар өсөн викторина ойошторолдо.

Ошо юлдарҙың авторы үҫмерҙәрҙе Башҡортостандың 100 йыллығына әҙерлек барышы, кесе Ватаныбыҙ тарихы хаҡында сығыш яһаны, китап күргәҙмәһе менән таныштырҙы. Артабан балалар командаларға бүленеп, республикабыҙға бағышланған шиғыр уҡып ишеттерҙе, викторина һорауҙарына яуап бирҙе. Һөҙөмтәлә “Башҡортостан” командаһы еңеүсе тип табылды. Балаларҙың тыуған төйәгенең тарихын, арҙаҡлы шәхестәрен, мәҙәниәтен белеүе ҡыуандырҙы.