Һәр милләттең үҙ теле, ғөрөф-ғәҙәте бар

Аптраҡ ауыл клубында каникул осоронда балалар менән дуҫлыҡ, милләт-ара татыулыҡ темаһына арналған сара уҙҙы. Уҡыусылар “Нимә ул татыулыҡ?” темаһына үҙ фекерен белдерҙе. Берәүҙәргә ул - ғаиләге бәйләнеш, нәҫел-ара туғанлыҡ ептәре, ауыл халҡының берҙәм йәшәүе, илдәр араһында мөнәсәбәт.

Уҡыусылар теманы үҫтереп: “Миләт-ара татыулыҡты нисек күрәһегеҙ?”- тигән һорауға яуап итеп көҙгө япраҡтарҙан композиция яһаны. Ысынлап та, һәр кем килтергән япраҡтарҙы бер усҡа йыйғас, күркәм гөлләмә барлыҡҡа килде. Республикала милли дәүләт сәйәсәте сиктәрендә Аптраҡ ауыл биләмәһендә атай- олатайҙар рухына тоғролоҡ, телде һаҡлау, үҫтереү йүнәлешендә башҡарылған эш бушҡа булмаҫ, тип ышанабыҙ.

Сара күңелле уйындар, викторина менән дауам итте.