Яңы маҡсаттар менән ҡайттылар

Октябрь аҙағында Рәсәй мәктәп уҡыусылары хәрәкәте үҙенең тыуған көнөн билдәләй. Ошо иҫтәлекле датаға бәйле республиканың иң әүҙем йәштәре Өфө районына слетҡа барҙы. Мәләүездән “Башҡортостан пионерҙары” йәмәғәт ойошмаһының алты активисы һәм Балалар-үҫмерҙәр ижад һарайы тәрбиәләнеүселәренән делегация барҙы. Өс көн дауамында йәш быуын үҙҙәренең ҡаҙаныштары, тәжрибәһе менән уртаҡлашты, оҫталыҡ кластарында, тренингыларҙа ҡатнашты, проекттар буйынса эшләне. Слеттан яңы идеялар менән ҡайтты улар. Шуның иң мөһиме - ойошмаға күберәк тиҫтерҙәрен йәлеп итеү һәм ҡуйылған маҡсаттарға бергәләп өлгәшеү.