БДИ тапшырыр инеңме?

Тәүҙә эксперимент рәүешендә, һуңынан тулы хоҡуғына ингән Берҙәм дәүләт имтиханы әле булһа төрлө фекер уята. Атай-әсәйҙәр, уҡыусылар, уҡытыусылар араһында дәүләт йомғаҡлау аттестацияһының был төрөн хуплаусылар ҙа, ҡырҡа ҡаршы булғандар ҙа бар.

Ҡала мәҙәниәт һарайында сығарылыш уҡыусылары ҡатнашлығында үткән атай-әсәйҙәр йыйылышында республика Мәғариф министрлығы эксперттары БДИ-ға әҙерлек, уны үткәреү тәртибе, әһәмиәте, йыш осраған етешһеҙлектәр һәм яуаплылыҡ хаҡында сығыш яһаны. Мәғариф идаралығы начальнигы Алик Сатлыҡов үткән йылғы дәүләт аттестацияһы һөҙөмтәләре менән таныштырҙы. БДИ йомғаҡтары буйынса Мәләүез республикала әлегәсә һынатманы. Быйылғы уҡыу йылы нисек тамамланыр? Был, әлбиттә, сығарылыш уҡыусыларының әҙерлегенә бәйле. Ә һеҙ БДИ тапшырып ҡарағығыҙ килмәйме?