Тырыш хеҙмәт емеше

Күптән түгел Ергән мәктәбендә төрлө кимәлдәге конкурстарҙа юғары күрһәткестәргә өлгәшкән уҡыусыларҙы бүләкләү тантанаһы үтте.

Маҡтау грамоталары алыусылар араһында Зөбәй Үтәғолов исемендәге Үрге Юлдаш мәктәбе уҡыусылары ла күп ине. Башҡорт теле һәм әҙәбиәте буйынса район олимпиадаһында, республика фәнни-ғәмәли конференцияла, Башҡортостан мәҙәниәте һәм тарихы, тарих фәндәренән, шулай уҡ Динис Бүләков исемендәге конкурстарҙа призлы урын алған Айгөл Сәфәрова, Нәфис Ишһарин, Айгүзәл Аҡмырҙина, Әлиә Бикҡошева, Эмиль Ғаянов, Динар Ишһарин, Филүс Ғәбиҙуллин өсөн был көн иҫтәлекле булды. Шулай уҡ уларҙы әҙерләгән уҡытыусылар Сәриә Ишһарина, Лира Ғафарова һәм Гөлназ Шаһимәрҙәнова бүләкләнде.

Гөлсирә ИШҺАРИНА.