Аҡ юл һеҙгә, яҡташтар!

Быйыл 11 класты 370 уҡыусы тамамлап, ҡулына өлгөргәнлек аттестаты алды.

Балалар-үҫмерҙәр ижад һарайында 52 сығарылыш уҡыусыһына "Уҡыуҙағы айырым уңыштары өсөн" миҙалы һәм аттестат тапшырылды. Улар мәктәпте тик "5" билдәләренә генә тамамланы

Район Хакимиәте башлығы Рөстәм Шәмсетдинов кисәге уҡыусылар,бөгөн ҡулдарына аттестат алған бәхетле йәштәрҙе ҡотланы, тормошта еңеүҙәр теләне.

Апай-ағайҙарын ҡотларға бәләкәстәр ҙә килгән. Улар теләктәрен матур шиғыр юлдары аша тапшырҙы.

Тантаналы сара концерт номерҙары менән дауам итте. Ҡотлауҙарҙан һуң хәҙер инде үҙ аллы тормош юлына осорға ҡанаттарын нығытҡан сығарылыш класс уҡыусылары иҫтәлеккә фотоға төштө.