Заман менән бергә атлайҙар

Ҡала мәҙәниәт һарайында Уҡытыусылар көнөнә арналған тантана уҙҙы. Байрамда иң изге һөнәр эйәләренә ихтирам-хөрмәт күрһәтелде, иң яҡшылар билдәләнде.

Район педагогтарын ҡотлау өсөн тәүге һүҙ район хакимиәте башлығы Рөстәм Шәмсетдиновҡа бирелде.

- Беҙҙең район педагогтары заман менән бергә атлай, инновацион уҡытыу алымдарын үҙләштерә, даими рәүештә белем биреү сифатын күтәреү өҫтөндә эшләй, - тине Рөстәм Наил улы. - Һөнәрҙәренә тоғролоҡ һаҡлаған, эштәренә ижади ҡараған талантлы уҡытыусылар менән ғорурланабыҙ.