Бөтә яңылыҡтар
Мәғариф
20 Декабрь 2019, 18:13

Бәхетле балалар утраусығы

Федераль программа буйынса асылған “Дуҫлыҡ” балалар баҡсаһына Ҡаран, Кузьминовка, Тамъян, Ташлыкүл ауылдарында һәм Мәләүез ҡалаһының көньяҡ ситендә йәшәгән 90 бала тәрбиәләнә.

Бында осраҡлы кешеләр юҡ. Бөтәһе лә - балаларҙы яратҡан, уларҙы аңлаған, үҙ һөнәрҙәренә ғашиҡ педагогтар. Тәрбиәсе-остаздар Гүзәл Солтанғужина һәм Татьяна Чернышева, йәш белгестәр Ирина Апракина, Анна Масютина - баҡсабыҙҙың ҡото. Коррекция-үҫеш дәрестәрен Светлана Ионова алып бара. Асылған көндән башлаған хужалыҡ эштәре буйынса мөдир Лира Имамова, тәрбиәсе ярҙамсылары Альбина Шәйәхмәтова, Эльмира Юлдашева, һуңыраҡ килгән тәрбиәсе ярҙамсылары Татьяна Сосновская, Гөлнара һәм Надежда Сәлимоваларҙың да ил киләсәге өсөн бар күңелен биреп эшләй. Ашнаҡсылар Әминә Ҡәйүмова, Венера Ғөбәйҙуллина тәмле һәм файҙалы аш-һыу менән һыйлай. Баҡса асылғандан алып коллективты Елена Апракина етәкләй. “Дуҫлыҡ”та, ысын мәғәнәһендә, дуҫ, берҙәм, татыу коллектив эшләй.