Каникул оҙайтыла

Башҡортостанда мәктәп каникулын оҙайтыу тураһында ҡарар ҡабул ителде. Район мәктәптәре - бөгөн каникулда. Уҡыусыларҙы 26 октябргә тиклем ял көтә.

Республиканың мәғариф министры Айбулат Хажин һүҙҙәренсә, хәҙерге ваҡытта төбәктә 983 уҡыусы киҫкен респиратор вирус инфекцияһы менән сирләй, тағы 200-ләгән мәктәп йәшендәге балаға Сovid-19 диагнозы ҡуйылған. Шулай уҡ 150-нән ашыу уҡытыусыла коронавирус инфекцияһы раҫланған. 4800-гә яҡын уҡыусы ауырыуҙар менән бәйләнештә булған өсөн карантинда ултыра. «Дөйөм алғанда, республиканың 29 муниципаль берәмеге, был яртыһынан күберәк. Шуға күрә инфекция таралыу буйынса килеп тыуған хәлде иҫәпкә алып, ике аҙна белем биреү сифатына бер ниндәй ҙә йоғонто яһамаҫ», — тип билдәләне министр.