Каникулға кемдәр китә?

Оҙайлы каникулдар үтеүгә төрлө ерҙән йыйылған балалар төрлө сир алып килде, күрәһең, иммунитеттары ныҡ булмағандар ауырып китте. Инде уҡый башлағандар ине өҫтәлмә каникул тураһында хәбәр килеп етте, дөрөҫөн генә әйткәндә, шатланырғамы, бошонорғамы - белмәҫһең. Әммә был - мотлаҡ сара, Рәсәй Федерацияһының “Белем биреү ойошмаларында уҡыуҙы ойоштороу һәм уҡыу шарттарына санитар-эпидемиология талаптары” законы сиктәрендә хәл-торош өйрәнелгәндән һуң 1-се класс уҡыусылары өсөн 8 февралдән алып 14 февралгә тиклем өҫтәлмә каникулдар иғлан ителә.Ял көндәре алдынан һәр мәктәп балаларҙың хәүефһеҙлеге сиктәрендә каникул ойоштороу шарттарын булдырырға, уларға аңлатыу эштәре алып барырға, йәмәғәт урындарында, таныш түгел кешеләр менән үҙ-үҙеңде тотоу ҡағиҙәһе, юл-хәрәкәт ҡағиҙәләре, ОРВИ, грипп, коронавирус инфекцияһынан һаҡланыу юлдары хаҡында әңгәмә үткәрергә тейеш. Фото: vostochniy.express