Гимназия уҡыусыларының ата - әсәләре - сәләмәт туҡланыу өсөн

Республикала, шул иҫәптән районда балаларҙы дөрөҫ туҡландырыуға ҙур иғтибар бирелә. Мәғариф учреждениелары эшмәкәрлегенең төп йүнәлеше булып тора тиһәң, бер ҙә арттырыу булмаҫ, сөнки ул сәләмәтлеккә генә түгел, ә белем алыуҙың сифатына ла йоғонто яһай. Уҙған аҙнала "Башҡортостандың ата - әсәләре - сәләмәт туҡланыу өсөн" акцияһы сиктәрендә мәктәптәрҙә “Сәләмәт туҡланыу аҙналығы” үтте. Уға ярашлы белем биреү ойошмаларында төрлө саралар уҙҙы. Ата - әсәләр ашханала бешерелгән ризыҡтарҙан ауыҙ итте, меню менән танышты,туҡланыуҙы ойоштороу менән ҡыҙыҡһынды. Ашнаҡсылар, уҡыусылар менән аралаштылар.Кинйә Арыҫланов исемендәге 9-сы башҡорт гимназияһында аҙналыҡ сиктәрендә уҡыусыларҙы йылы аш менән тәьмин итеү мәсьәләһенә ыңғай ҡараш булдырыу маҡсатында класс сәғәттәре, аш-һыу күргәҙмәһе, төрлө конкурстар ойошторолдо.