Бөтә яңылыҡтар
Мәҙәниәт һәм әҙәбиәт
9 Октябрь 2017, 14:44

Республика фестивалендәге уңыштар

Баш ҡаланың Конгресс-холында өлкән йәштәгеләр араһында ойошторолған “Мин яратам һине, тормош!” тип аталған республика фестиваленең гала-концерты үтте.

Был сара Башҡортостандың Ғаилә, хеҙмәт һәм халыҡты социаль яҡлау министрлығы башланғысында йыл һайын үткәрелә. Фестиваль положениеһына ярашлы, унда 55 йәштән өлкәндәр ҡатнаша. Март-апрелдә конкурстың төбәк этабы уҙҙы, республиканан 2500-гә яҡын кеше үҙенең ижади һәләтен күрһәтте. Улар араһында беҙҙең райондан “Рәйхан” (етәксеһе Ф.Яҡупова), “Туслох” (М.Данилова), башҡорт халыҡ хоры (Л.Вәлиева) һәм “Уральские самоцветы” (Е.Пелевина) үҙ көсөн һынаны.
Шуларҙың икеһе гала-концертта сығыш яһаны һәм баш ҡаланан юғары һөҙөмтәләр менән ҡайтты: “Уральские самоцветы” коллективы хор номинацияһында иң яҡшы башҡарыусы булараҡ беренсе урын яуланы. “Рәйхан” ансамбле икенсе урынға лайыҡ булды.
Һүрәттә: Фестивалдә “Уральские самоцветы” урыҫ халыҡ хоры беренсе урын яуланы.