Әҙәби йәй тылсымы

“Әҙәби йәйҙә ҡунаҡта” программаһы сиктәрендә йәйге осорҙа Үҙәк балалар китапханаһы китапханасылары Елена Коннова, Наталья Голанскова, Елена Чернева балалар өсөн мауыҡтырғыс саралар ойошторҙо. Унда уҡыусылар ихлас ҡатнашты, уҡыу мәҙәниәтенә өйрәнде, һәләттәрен үҫтерҙе.

Был программаны тормошҡа ашырыуҙа 1-се гимназия, 1-се һәм 4-се мәктәптәрҙең көндөҙгө ял лагерҙарынан, “Шишмә” профилакторийынан балалар әүҙемлек күрһәтте. Китапханасылар уларҙы ылыҡтырыу өсөн төрлө уйындар ойошторҙо, уңайлы мөхит булдырҙы. Уҡыу залында балалар яратҡан йәнһүрәттәрен дә ҡарай алды.