Күргәҙмә яңы хис-тойғоға сорнаны

Воскресенский картиналар галереяһында республиканың атҡаҙанған рәссамы, Татарстандың атҡаҙанған мәҙәниәт эшмәкәре, төрлө дәрәжәләге халыҡ-ара күргәҙмәләр лауреаты Вәкил Шәйхетдиновтың күргәҙмәһе эшләй.

Вәкил Ғилем улы тыумышы менән Бүздәк районынан, ябай крәҫтиән ғаиләһендә тыуып үҫкән. Олатаһының диндар булыуы, тарихты белеүе, Урал тауҙарының илаһи серлелеге егет күңелендә ябай ғына күренештән дә матурлыҡ табыуға этәргес бирә.

“Бала саҡта ҡышҡыһын саңғыла, йәй велосипедта тәбиғәткә сығам да, ҡайтыу менән ошо күренеште ҡағыҙға төшөрәм. Был матурлыҡты буяуҙар гаммаһы аша тапшырыу күңелемдә һиллек өҫтәй. Әммә мәктәпте тамамлағас, был шөғөлдө артабан үҫтереү ниәте менән махсус белем алыу теләге булманы.