Халыҡ ижады онотолмай

Яңыраҡ Мөхәмәтша Буранғолов исемендәге китапханала “Мөхәмәтша Буранғолов сәсән, драматург, йәмәғәт эшмәкәре” китабы авторы Нурислам Ҡалмантаев, шулай уҡ Стәрлетамаҡ башҡорт драма театрының артистары ҡатнашлығында түңәрәк өҫтәл ойошторолдо. Унда студенттар, боронғо дәүер ауыҙ-тел ижадының аҫыл ҡомартҡыларын еткереүсе арҙаҡлы шәхестең Ырымбур өлкәһе Тәңес ауылынан яҡташтары ла килгәйне.

Ҡыҙыҡлы, фәһемле осрашыуҙар даими ойошторған китапхана хеҙмәткәре Рәзилә Ҡотлогилдинаның сираттағы әҙәби сараһы килеүселәр күңеленә хуш килде.

Һүрәттә: БДУ доценты Нурислам Ҡалмантаев: “Үҙ халҡын һөйгән һәм уның ижадына мөкиббән китеп ғашиҡ булған Мөхәммәтша Буранғолов бынамын тигән әҫәрҙәр тыуҙырҙы һәм оло сәсән булып танылды”.