Рөстәм Якиев – еңеүсе!

Мишкәлә үткән Шамил Хәмәҙинуров исемендәге вокалистарҙың асыҡ район конкурсында яҡташыбыҙ, талантлы йырсы, Балалар һәм үҫмерҙәр ижад йорто директоры Рөстәм Якиев еңеү яулап ҡайтты.

БАССР-ҙың атҡаҙанған артисы, Башҡортостан Республикаһының халыҡ артисы булған Шамил Шәрифйән улы Хәмәҙинуровтың йырҙарын ишетмәгән, белмәгән кеше һирәк Башҡортостанда. Ҡаты сир талантлы замандашыбыҙҙы арабыҙҙан иртә алып китте. Мишкәләр яҡташтары исемен мәңгеләштереү маҡсатында уның исемендәге район конкурсы иғлан итеп, Шамил Хәмәҙинуров ижадын популярлаштыра, татар, башҡорт, мари, мордва, сыуаш, рус йырҙарын башҡарыусылар араһынан иң-иңдәрен билдәләй.

Үҙ сиратта беҙ яҡташыбыҙ Рөстәм Рауил улын сираттағы еңеүе менән ихлас ҡотлайбыҙ һәм артабанғы ижадында уңыштар теләйбеҙ!