Ауыл өҫтөн тынлыҡ ҡаплағас,
Ҡарт - ҡоролар ятып йоҡлағас,
Йөрөүселәр бөткәс күҙ атып,
Туҡтанылар ҡапҡа төбөндә,
Егет уны ҡыҫтап туҡтатты,
Йылы һүҙҙәр әйтеп йыуатты.
Тотоп алды уның биленән...
Ҡайнар һүҙҙәр, ҡайнар ирендәр...
"Абау, мөхәббәтһеҙ, кит бынан!"-
Тигән булды ҡыҙый, тик һаман
һүҙҙәр бөтмәй йөрәк түрендә,
Улар һаман ҡапҡа төбөндә.
Ҡыҙы тағы китте үҙгәреп -
"Аҙға ғына" тағы туҡталды;
Ҡабатлана шулай көн һайын
Йәшлек тигән нәмә, моғайын,
Йоҡоһоҙ һәм айлы төн менән
Башланалыр ҡапҡа төбөнән.
Уның менән ҡултыҡлашып уҙҙың,
Һин уныҡы хәҙер, уныҡы...
Мин йылғаның хәҙер был ярында
Араларҙа тәрәнлектәр ята,
Һәм тулҡындар ята тау һымаҡ,
Таң алдынан күк томандар ята,
Күк томандар ята ау һымаҡ.
Тәрәнлектәр һәм тулҡындар аша
Йөҙөп сығыр инем - хаҡым юҡ,
Таң алдынан күк томандар аша
Һине ҡосор инем - хаҡым юҡ.
Осрағанда туҡтап һөйләшергә,
Танырға ла хатта хаҡым юҡ;
Араларҙа беҙҙең бер ҡасан да
Булмағандыр кеүек яҡынлыҡ.
Мин йылғаның хәҙер был ярында,
Ике яр бит тоташмаған кеүек
Ғүмер китабымды, альбом кеүек,
Ҡарап сығырға ,тип бирһәләр,
"Йәшлек" тип яҙылған өс-дүрт битен
Ул ҡайҙалыр бик яҡында ҡалған:
Фуражкаһын ҡырын һалған егет
Ҡыҙын көтә тирәк төбөндә.
Эшкә һуңлай, тиеп, борсолмағыҙ,
Таң атҡансы тирәк төбөн һаҡлар,
Ә таң менән эшкә йүгерер...
Шундай сағым бик яҡында кеүек,
Ҡулды һуҙһам, етер шикелле,
Ҡулды һуҙам тиеп бер үрелһәм,
Өркөтөрмөн, китер шикелле.
Мин яратам ҡояш сыҡҡан сағын,
Ерҙең өҫтөн нурға балҡытып;
Табалманым,дуҫтар, ғүмеремдең
Йәшлектән дә матур ваҡытын!
Тик донъяла бер ни ҡабатланмай,
Йәшлектең дә, әгәр ҡабатланһа,
Булмаҫ ине, бәлки, ҡыҙығы.
Ул ҡайҙалыр бик-бик яҡында,
Йыр йырлайҙар уның хаҡында.