Конгэк
-19 °С
Болотло
75 лет Победы
Бөтә яңылыҡтар
Мәҙәниәт һәм әҙәбиәт
3 Декабрь 2019, 00:47

Теге яҡҡамы, был яҡҡамы?

Бәләкәй Әлфиә үпкәләне лә:- Мин һеҙҙән китәм! - тине.

Бәләкәй Әлфиә үпкәләне лә:

- Мин һеҙҙән китәм! - тине.

Ул ботинкаларын кейҙе. Ләкин бауҙарын бәйләй белмәй ине.

- Бәйләп бирегеҙ! - тине ул. Әсәһе ботинка бауҙарын бәйләне.

Әлфиә пальтоһын кеймәксе булды. Ләкин элгескә буйы етмәне.

- Пальтомды алып бирегеҙ! - тине. Пальтоһын кейгәс, ул ишеккә барҙы. Әммә ҡыҙ ишекте аса алманы.

- Ишекте асығыҙ! - тине.

Әлфиә урамға сыҡты ла туҡтап ҡалды.

- Теге яҡҡамы, был яҡҡамы? - тип һораны.

- Белмәйем, - тинем мин.

Ҡыҙ торҙо-торҙо ла өйгә кире инде.


Мостай КӘРИМ.