ДЕКАБРЬ

Ябалаҡлап яуған мәлен көтәм.Ҡарҙар йыуаш әле. Хисләндермәй.Ара-тирә төшөп ята ла ул,Йәнләндермәй әле, йәшләндермәй...

Ябалаҡлап яуған мәлен көтәм.

Ҡарҙар йыуаш әле. Хисләндермәй.

Ара-тирә төшөп ята ла ул,

Йәнләндермәй әле, йәшләндермәй...

Йәмләнмәгән донъя, йымылдамай

Сыбар тауҙар, ала-сола ҡырҙар.

Ҡытыҡлаған ерҙән һүлпәнәйә

Тыуам-тыуам тигән моңдар, йырҙар.

Декабрҙә ҡыҙыу ҡояш?

Тылсым...

Тау башынан күҙҙең яуын ала.

Икенделә әле йылы, нурлы.

Шәфәҡтәрҙән алып һыуынһа ла.

Аҡ, сафлыҡты күңел сабыр көтә.

Пәрҙәләргә көн юҡ: Яуа?Яумай?

...Ҡыш тиһҽгҽҙ?

Өйөп һалған көрткә

Тәгәрәмәй миңә ҡыш та тыумай.

(Н. Хәмбәлиева)

Редакция һайлауы