+14 °С
Болотло
Бөтә яңылыҡтар
Мәҙәниәт һәм әҙәбиәт
4 Февраль 2021, 12:00
Ҡыш тураһында балалар өсөн шиғырҙар
Гүзәл СитдиҡоваБесәй ниңә ҡар ашамай Тәүге ҡарҙа эҙен һалыпҮткән беҙҙең Мыраубай,Ҡурҡмай бит әле һыуыҡтан,Ҡурҡмай бер ҙә ҡырауҙан.Ямғырҙа ла сығып китә,Сыныҡҡан бесәй бик ныҡ,Күңелле йөрөй шуға гел,Үҙе шаян, үҙе шуҡ.Шар һикертһәм килеп етә,Алып ҡасып йөҙәтә,Әле боҫоп, өй артындаӘллә нимә күҙәтә.Шәкәр кеүек татлы йәш ҡар,Һурып туйҙым танһыҡҡа,Мыраубай алдына һалдым –Ашаһын сысҡан юҡта.Тик Мыраубай ҡырын ҡарап,Ашаманы һыйымды,Минән ҡасып өй артынаБер мөйөшкә һыйынды.Иртән ауырып уяндым,Ангина, ти – ғәләмәт,Ә бесәйем уйнап йөрөй,Ә бесәйем – сәләмәт.Үҙ телендә әйтә миңә:- Ҡар ашаның - бөлдөңмө,Минең ниңә йәшенгәндеХәҙер инде белдеңме?!
Тәүге ҡар
Сыҡһам тышҡа, урам ап-аҡ,
Ҡар яуған бит, ҡар яуған;
Сана һөйрәп китеп барам
Ҡаршыбыҙҙағы тауға.
Иртә, тиһә лә атайым,
Килә шыуып ҡарағы,
Елдереп төшөп етермен,
Йәгеҙ әле, ҡарағыҙ!
Менеп еттем, төшөп киттем,
Эй…
Төшмәнем, йығылдым,
Ҡар аҫтында йомшаҡ ергә
Санам батып, хур булдым.
Беренсе ҡар үҙе матур,
Үҙе шундай алдаҡсы,
Сана шыуған малайҙарҙы
Оятҡа ҡалдырмаҡсы!
Ышанмағыҙ тәүге ҡарға,
Алдым инде мин һабаҡ,
Ҡар күреүгә сана тотоп
Сыҡмам инде мин ҡабат!
Ҡайҙан белгән атайым тип,
Уйланып ҡайттым юлда:
Ә-ә-ә, моғайын, бала саҡта
Шыуып ҡараған ул да…
Мөғжизәле һыу
Кисә генә йылы ине,
Таң атҡанса ҡыш булған,
Көҙ килгәнен шунан белдем –
Күләүектә боҙ туңған.
Кисә генә мин был һыуҙы
Кисеп йөрөгән инем,
Бөгөн уға менеп баҫып
Рәхәтләнеп бейенем.
Кисә генә йоп-йомшаҡ һыу
Ҡатҡан да ҡуйған таштай.
Нисек улай була тиеп
Аптырап торҙом башта.
Тыныбыҙ ҙа дымлы икән,
Боҙ булып туңа икән,
Ауыҙҙарҙан боҫ килеүе
Тап бына шуға икән.
Һыу, боҙ, ҡар, боҫ – бер үк нәмә,
Ҡыш килде лә аңлатты,
Һыуҙан хасил булған боҙға
Тиҙҙән ап-аҡ ҡар ятты.
…Шаптыр-шоптор һыу сәсрәтеп
Күләүек кистем кисә,
Ә бөгөн бысранмай ғына
Рәхәтләнеп ҡар кисәм.
Бесәй ниңә ҡар ашамай
Тәүге ҡарҙа эҙен һалып
Үткән беҙҙең Мыраубай,
Ҡурҡмай бит әле һыуыҡтан,
Ҡурҡмай бер ҙә ҡырауҙан.
Ямғырҙа ла сығып китә,
Сыныҡҡан бесәй бик ныҡ,
Күңелле йөрөй шуға гел,
Үҙе шаян, үҙе шуҡ.
Шар һикертһәм килеп етә,
Алып ҡасып йөҙәтә,
Әле боҫоп, өй артында
Әллә нимә күҙәтә.
Шәкәр кеүек татлы йәш ҡар,
Һурып туйҙым танһыҡҡа,
Мыраубай алдына һалдым –
Ашаһын сысҡан юҡта.
Тик Мыраубай ҡырын ҡарап,
Ашаманы һыйымды,
Минән ҡасып өй артына
Бер мөйөшкә һыйынды.
Иртән ауырып уяндым,
Ангина, ти – ғәләмәт,
Ә бесәйем уйнап йөрөй,
Ә бесәйем – сәләмәт.
Үҙ телендә әйтә миңә:
- Ҡар ашаның - бөлдөңмө,
Минең ниңә йәшенгәнде
Хәҙер инде белдеңме?!
Читайте нас в
Редакция һайлауы